MANILA, Philippines — Tumaas ang budget sa tanggapan ni Vice Pres. Sara Duterte sa susunod na taon.
Ito ay kahit wala na siyang confidential at intelligence funds.
Sinabi ni Budget Secretary Amenah Pangandaman sa pulong balitaan sa Malakanyang na nasa P2.037 bilyon pondo ang inilaan sa Office of the Vice President.
Nasa P188.5 milyon ang para sa personal services, P1.79 bilyon sa maintenance and other operating expenses at P56 milyon sa capital outlay.
Mas mataas ng 8 porsyento ang budget ng OVP para sa susunod na taon kumpara sa kasalukuyang taon.
Dati nang sinabi ni Duterte na hindi siya humingi ng confidential at intelligence funds para sa susunod na taon. Humihirit noon si Duterte ng P500 milyong confidential at intelligence funds sa 2024 subalit binawi rin niya ito kalaunan.