MANILA, Philippines — “Good news” sa mga motorista na dumaraan sa Manila-Cavite Expressway (Cavitex).
Inanunsiyo ni Pangulong Ferdinand “Bongbong” Marcos Jr. na inaprubahan ng Toll Regulatory Board (TRB) ang rekomendasyon ng Philippine Reclamation Authority (PRA), operator ng Cavitex na suspendihin ang paniningil ng toll fee mula Hulyo 1 hanggang 30.
Ang TRB ang governing body na nangangasiwa sa tollways sa buong bansa.
“Nagpapasalamat tayo sa TRB sa kanilang agarang aksyon sa rekomendasyon na ito ng PRA (We thank the TRB for their prompt action on this recommendation of the PRA),” ani Marcos.
Pinasalamatan din ni Marcos ang MVP Group sa pagsuporta sa panukalang suspensiyon.
“Nagpapasalamat din tayo sa MVP Group sa pagsuporta sa panukalang ito,” ani Marcos.