Ika-4 Pinoy na sugatan sa Taiwan quake 'nabagsakan sa ulo,' nagpapagaling
![Ika-4 Pinoy na sugatan sa Taiwan quake 'nabagsakan sa ulo,' nagpapagaling](https://media.philstar.com/photos/2024/04/05/afp2024040534nm2amv1highrestaiwanearthquake_2024-04-05_13-30-30.jpg)
MANILA, Philippines — Umabot na sa apat na overseas Filipino workers (OFWs) ang naitalang sugatan sa nakaraang magnitude 7.4 earthquake sa Taiwan — sakunang pumatay na sa 10 katao at naka-injure sa 1,106 iba pa.
Kinumpirma ni Department of Migrant Workers (DMW) officer-in-charge Hans Leo Cacdac ngayong Biyernes na nagkaroon ng "minor head injury" ang isang Pinay sa kasagsagan ng lindol. Sa kabutihang palad ay ligtas na ang babae.
"[We] have a 4th Taiwan OFW injured due to the earthquake. She sustained head injured due to falling debris," wika ni Cacdac sa isang tweet ngayong umaga.
"She is out of harm's way and is being treated by a doctor."
Good morning to all, we have a 4th Taiwan OFW injured due to the earthquake. She sustained head injuries due to falling debris. She is out of harm's way and is being treated by a doctor.
— hans leo j. cacdac (@HansLeoCacdac) April 4, 2024
Paliwanag pa ng DMW, nakalabas na ng ospital ang hindi pa pinangangalanang OFW matapos lapatan ng lunas.
Mahigit 1,400 manggagawang Pilipino ang nagtratrabaho sa Hualien county ayon kay Manila Economic and Cultural Office (MECO) chairperson Silvestre Bello III. Sinasabing 18 kilometro lang ito mula sa epicenter ng lindol.
"The DMW Migrant Workers Offices in Taipei, Taichung, and Kaohsiung continue monitoring the situation and will provide assistance to OFWs who need assistance," dagdag pa ng DMW sa isang pahayag.
Ang lindol noong Miyerkules ang sinasabing pinakamalakas na tumama sa Taiwan sa loob ng 25 taon matapos ang magnitude 7.6 earthquake na pumatay sa 2,400 katao taong 1999.
- Latest