Farm-to-market road program ng Pangulong Marcos admin, 51 porsyento natapos na

MANILA, Philippines — Matapos ang isa’t kalahating taon sa puwesto, ipinagmalaki ni Pangulong Ferdinand Marcos Jr. na natapos na ang 51% ng Farm-to-Market Road Network Program ng Marcos administration

“I am happy to share a significant update sa ating­ Farm-to-Market Road Network program. Ang ating dapat na maging target is 131,410.66 kilometers sa anim na taon, maaari ko nang mai-report na 51 percent of that nabuo na natin,” sabi ng Pangulo sa maikling video message.

Mula sa naturang target, 67,328.92 km na ang naipagawa o 32 beses na road trips mula Aparri hanggang Jolo.

“It is a testament to the magnitude of accomplishment of the government. It is not an initiative only to do with agriculture, it is a connection between all the different communities but of course its main purpose is to connect the markets and the producers--- sa ating mga agricultural sectors lalo,” pahayag ni Marcos.

Pangako pa ng Pa­ngulo sa publiko, tatapusin ang 131,410.66 kilometrong target bago matapos ang administrasyon.

Palalakasin din umano nito ang “Build, Better, More” program.