BBM approval ratings bunga ng pagtutok sa ekonomiya, trabaho – opisyal

MANILA, Philippines – Tumaas nang tatlong puntos ang approval ratings ni Presidente Ferdinand Marcos Jr. dahil sa pagtutok sa tatlong mahahalagang isyu — inflation, paglago ng ekonomiya at trabaho. 

Ito ang pahayag ni Eastern Samar Governor Ben Evardone makaraang lumitaw sa survey ng Pulse Asia na tumaas ang approval ratings ng Pangulo ng tatlong puntos, mula 65% sa 68% noong December 2023. 

Bago ang survey period ng Pulse Asia, ang employment rate sa ilalim ng kasalukuyang administrasyon ay sumirit sa 95.8%, ang pinakamataas sa loob ng 18 taon. Lumago rin ang ekonomiya ng Pilipinas ng 5.9% sa third quarter, ang pinakamalakas sa major Asian economies.

Nagpalabas din si Malacanang ng mahahalagang direktiba para mapalakas ang agricultural sector ng bansa sa pamamagitan ng pagsasaprayoridad sa local production laban sa imports, pagsusulong sa kakayahan ng Filipino farmers na magprodyus ng bigas. at pagtataas sa farmgate price ng local rice subalit ibebenta ito sa mas mababang presyo sa pamamagitan ng National Food Authority. 

Sa isang pahayag, sinabi ni Evardone na ang pag-angat sa approval ratings ay dapat asahan dahil ang mga pagsisikap ng gobyerno nagsisimula nang magbunga.

“This reflects the public’s approval and appreciation of what the President has done to tame inflation, spur economic growth and create jobs,” ani Evardone.

“As more of these initiatives are pursued, and bear fruits that will benefit the people, expect the satisfaction score of the administration to go up as well,” dagdag pa ng gobernador.

Subalit binigyang-diin ni Evardone na ang hamon ngayon ay kung paano pa mapaaangat ang approval ratings ng Pangulo, ipinaliwanag na ang upward trajectory ay nakasalalay sa mga hakbangin na tumutugon sa mga pangangailangan ng publiko.

“It will be built on the gains of the past. The template of decisive action the President has shown is what will move us forward,” aniya. 

Gayunman, sinabi ni Evardone na ang public officials “should not be affected and guided solely on survey ratings but more importantly, on our commitment to serve our people.” 

“We should continue to aggressively implement more programs for the poor, especially those in the countryside.”