Deklarasyon na half-day Dis. 22, fake news - Palasyo
MANILA, Philippines — Itinanggi ng Malacañang ang ipinost sa Facebook ng isa nilang opisyal na idineklara ni Pangulong Ferdinand Marcos Jr. na half-day ang Disyembre 22, 2023, Biyernes sa buong bansa dahil sa inaasahang traffic.
“Whereas, the declaration of an additional special (half-working) day will give the people the full opportunity to travel earlier to their respective residences and provinces in preparation to celebrate the holiday with their families and loved ones,” nakasaad sa pekeng proclamation order na ipinost ni Presidential Assistant for Strategic Communications Undersecretary Cesar Chavez.
Agad namang nilinaw ni Presidential Communications Office (PCO) Cheloy Garafil na fake news ang nasabing post ni Chavez.
Bagaman at may totoong Procmalation No. 427 na inilabas ang Malacañang, ito ay tungkol sa pagdedeklara sa siyam na indibiduwal bilang Manlilikha ng Bayan.
Agad kumalat sa social media ang pekeng proklamasyon na half-day sa Disyembre 22.
Sa pamamagitan ng FB ay humingi ng paumanhin si Chavez at inako ang kanyang pagkakamali.
- Latest
