P18K insentibo sa teachers ipapamahagi na – DepEd

MANILA, Philippines — Sisimulan na ng Department of Education (DepEd) ang distribusyon ng nasa P18,000 halaga ng Service Recognition Incentive (SRI) sa mga kuwalipikadong public school teachers at iba pang personnel ng ahensiya ngayong araw.

Batay sa DepEd memorandum na may petsang Disyembre 15, sinimulan na ng mga schools division offices at iba pang implementing units ang pagpro­seso ng payment nitong Disyembre 18.

Ang distribusyon naman ay uumpisahan kinabukasan, o sa Disyembre 19.

Ayon sa DepEd, ang mga guro na nasa malalayong lugar ay maaaring bigyan ng exception sa cash-only mode sa distribusyon ng SRI, kung hihilingin ng mga ito.

Ang kanilang SRIs ay maaaring ibigay sa kanilang payroll ATMs.