Christmas convoy lumarga na sa WPS
MANILA, Philippines — Lumarga na kahapon ng umaga patungong Palawan ang unang batch ng mga volunteer para sa 3-day Christmas convoy sa West Philippine Sea.
Ayon sa grupong “Atin Ito”, 40 volunteers ang pinadala sa unang batch na kinabibilangan ng mga kabataan, student leaders, at mga mangingisda.
“In a profound display of solidarity and patriotism, over 40 volunteers, comprising youth and student leaders, along with fisherfolk representatives, embarked on a “Christmas Convoy Civilian Supply Mission” to the West Philippine Sea (WPS) from Manila on Friday morning,” ayon sa Atin Ito Coalition.
Ang mga volunteer ay sakay ng 150-capacity civilian marine vessel na nagdadala ng mga donasyon, supply at mga pangunahing pangangailangan ng mga nasa barko.
Sasamahan ang mga ito ng mas malaking contingent ng 100 mangingisda.
Ang Christmas convoy na may 40 bangka ay maglalayag patungo sa bisinidad ng Ayungin Shoal, Patag, at Lawak islands mula Disyembre 10 hanggang 12 para mamahagi ng donasyon at supply.
- Latest
