Digitalization isulong sa pagpapabilis ng serbisyong sibil sa gobyerno – Nograles
MANILA, Philippines — Upang mapabilis ang pagbibigay ng serbisyong sibil, hinikayat ni Civil Service Commission (CSC) Chairperson Karlo Alexei Nograles ang mga Human Resource Management Practitioners (HRMPs) sa mga ahensiya ng pamahalaan.
Sa mensahe ni Chairperson Nograles sa 21st Regional Conference of HRMPs sa Cordillera Administrative Region (CAR) na ginanap noong Nobyembre 22-23, 2023 sa Newtown Plaza Convention Center, Baguio City, hinimok nito ang mga HR practitioner na maging maagap sa pagtataguyod ng mga dinamikong sistema at proseso ng HR na maaaring matugunan ang mga kinakailangan ng isang modernong serbisyo sibil.
“Civil servants are the nuts and bolts that make the government machinery work. The effectiveness of our bureaucracy largely depends on the quality of our human resources, and this is where all of you, as human resource management practitioners, have an integral role. We rely on your sound discretion in selecting individuals, and digitalization is a key component of this endeavor,” pahayag ni Nograles.
Sa tala mahigit 400 HRMPs mula sa iba’t ibang ahensya ng pambansang pamahalaan, local government units, at state universities and colleges sa CAR ang dumalo sa regional conference na inorganisa ng CSC CAR upang talakayin ang mga nauuso at nauugnay na mga isyu sa HR management at organizational development.
Nanawagan din si Chairperson Nograles sa lahat ng mga civil servants na suportahan ang mga pagsisikap ng gobyerno tungo sa digital transformation sa burukrasya.
- Latest
