Tranquil IV, top 5 sa Physician exam
MANILA, Philippines — Naging matagumpay ang pagsisikap ng anak ng kilalang abogado na si Tranquil Gervacio S. Salvador III matapos na mag-top 5 sa nagdaang October 2023 Physical Licensure Examination.
Sa Facebook post ng University of the Philippines (UP)-Manila, nasa 164 ang pumasa mula sa kanilang unibersidad kabilang ang mga topnotchers na sina Jon Michael S. Kimpo, top 4, at Tranquil Mathew A. Salvador IV, bilang top 5.
Si Tranquil IV ay panganay na anak nina Roselle at Tranquil Gervacio S. Salvador III na kilala at respetadong abogado, dean at law professor na nagsilbi ring past District Governor ng Rotary International District 3810.
Ipinagmalaki ng UP-Manila ang muling pagiging Top Performing School nito matapos silang makakuha ng 97.62 passing percentage sa nasabing licensure exam.
- Latest
