Marcos sa AFP: Depensahan ang Pilipinas

MANILA, Philippines — Pinaghahanda ni Pangulong Ferdinand “Bongbong” Marcos Jr. ang Armed Forces of the Philippines (AFP) upang depensahan ang Pilipinas mula sa anumang uri ng banta.

Ginawa mg Pangulo ang tagubilin sa panunumpa ng mga bagong heneral ng AFP sa Malacañang.

“As the new leaders of our AFP, you are expected to help ensure that the Armed Forces will be more agile, flexible, and responsive to better address emerging issues confronting our nation.  We must be ready. Our Armed Forces must be capable, of securing and defending the archipelago from emerging threats,” pahayag ni Marcos.

Umaasa rin ang Pangulo na gagampanan ng mga bagong promoted na opisyal ang kanilang tungkulin.

“I, along with the nation, expect all of you to perform your duty with strength of character and utmost integrity, loyalty, and professionalism—qualities fundamental and core to the service as officers in our nation’s armed service,” pahayag ni  Marcos.

Binigyang-diin ng Pangulo dapat asahan, paghandaan at tumugon sa mga umuusbong na mga kaganapan sa seguridad at depensa na nangyayari sa bansa at sa buong rehiyon.

“You must not only anticipate but you must also be ready to adapt and respond to emerging national security and defense realities that exist in our country and in our region,” dagdag ng Pangulo.

Hinikayat din ng Presidentre ang mga bagong he­neral na paigtingin ang joint planning at operations upang masiguro ang interoperability sa lahat ng units ng AFP.

Pinaalalahanan ni Pangulong Marcos ang mga opisyal na kakabit ng kanilang promosyon ang mas mabigat na responsibilidad at mas mabigat na tungkulin.

Dito aniya masusukat ang tapang ng kanilang karakter, integridad, katapatan at propesyunalismo sa pagtugon sa kanilang mandato at pagdepensa sa bansa at sa mamamayan.

Matatandaang kamakailan lamang, binangga ng barko ng China ang barko ng Philippine Coast Guard habang nagsasagawa ng resupply mission sa Ayungin Shoal.