MANILA, Philippines — Isa nang bagyo na may pangalang Ineng ang isang low pressure area na namataan noong lunes.
Si bagyong Ineng ay nanatili sa kanyang lakas habang kumikilos pakanluran.
Sa monitoring ng PAGASA, alas-11 ng umaga ang sentro ng bagyong Ineng ay namataan sa layong 975 kilometro silangan ng Extreme Northern Luzon taglay ang lakas ng hangin na umaabot sa 45 kph at may pagbugso na 55 kph.
Ang Tropical Depression Ineng ay walang direktahang epekto sa bansa pero ito ang nagpapalakas sa habagat kayat maulan sa buong western portions ng Luzon sa susunod na tatlong araw.
Ngayong Miyerkules ng gabi, inaasahang hihina ang habagat at mahangin na minsa’y may pag-ulan na mararanasan sa Batanes, Ilocos Provinces, western portion ng Pangasinan, Zambales, Bataan, Kalayaan Islands, Lubang Island at Romblon.