1 pang bagyo papasok sa PAR

MANILA, Philippines — Hindi pa man nakakalabas ng bagyo ang super typhoon Goring ay isa pang sama ng panahon ang nagbabantang pumasok sa bansa.

Oras na pumasok ang bagong bagyo ay papangalanan itong Hanna na pang-walong bagyo na papasok sa Philippine Area of Responsibility.

Samantala, napanatili ni Goring ang kanyang lakas

na huling namataan alas-5 ng hapon kahapon sa layong 260 kilometro silangan ng Tuguegarao City, Cagayan taglay ang lakas ng hangin na umaabot sa 155 kph at pagbugso na umaabot sa 190 kph.

Makakaranas ng mga pag-uulan sa Batanes, Babuyan Islands, at northern portions ng mainland Cagayan, Apayao, at Ilocos Norte.

Palalakasin naman ni Goring ang habagat kayat makakaranas ng mga pag-ulan sa western portions ng Central Luzon, Southern Luzon, at Visayas sa susunod na tatlong araw.

Inaasahang lalabas sa PAR si Goring sa Huwebes.