MANILA, Philippines — Walang volcanic earthquake na naitala sa Bulkang Mayon sa Albay sa nakalipas na 24 oras.
Ayon sa Phivolcs, nasa 299 rockfall events naman at walong dome collapse pyroclastic density current events ang naitala.
Mabagal din ang pagdaloy ng lava na may haba na 2.5 kilometro sa Mi-isi Gully at 1.8 kilometro sa Bonga Gully at pagguho ng lava hanggang 3.3 km mula sa crater ang naging aktibidad ng bulkan.
Nasa 574 tonelada ng sulfur dioxide ang ibinuga ng bulkan.
Nasa 750 metrong taas ng plume ang ibinuga ng bulkan na may katamtamang pagsingaw at napadpad sa timog-kanluran.
Nananatili sa Alert Level 3 ang Mayon.