MANILA, Philippines — Inanunsyo na ng Malacañáng ang ika-28 ng Hunyo bilang "regular holiday" bilang pagkilala sa Eid'l Adha o Feast of Sacrifice, na isa sa dalawang pinakamahalagang kapistahan sa relihiyong Islam.
Ito ang ibinahagi ni Pangulong Ferdinand Marcos Jr. ngayong Miyerkules sa pamamagitan ng Proclamation 258, bagay na pinirmahan lang noong Martes.
"[Following] the 1444 Hijrah Islamic Lunar Calendar, the National Commission on Muslim Filipinos has recommended that 28 June 2023, Wednesday, be declared a national holiday, in onbservance of Eid'l Adha,"
"NOW, THEREFORE, I, FERDINAND R. Marcos Jr., President of the Philippines, by virtue of the powers vested in me by law, do hereby declare Wednesday, 28 June 2023, a regular holiday throughout the country, in observance of Ed'l Adha."
Tumutukoy ang Eid'l Adha sa Muslim festival na siyang nagmamarka ng pagtatapos ng taunang pilgrimate sa Mecca at pag-aalala sa sakripisyong ipinamalas ng propetang si Abraham.
Ayon sa Labor Advisory 9 Series of 2022 ng Department of Labor and Employment, ang mga empleyadong hindi magtratrabaho sa ika-28 ng Hunyo ay makakukuha pa rin ng kabuuan (100%) ng kanilang sahod para sa araw na 'yon.
"For work done during the regular holiday, the employer shall pay a total of 200% of the employee's wage for that day for the first eight hours (Basic wage x 200%)," dagdag pa ng DOLE.
"For work done in excess of eight hours, the employer shall pay the employee an additional 30% of the hourly rate on said day (Hourly rate of the basic wage x 200% x 130% x number of hours worked)."
Kung sakaling magtrabaho ang isang empleyado sa araw ng regular holiday na kanya ring rest day, kinakailangang bayaran ng employer ang nabanggit ng karagdagang 30% ng kanyang basic wage na 200% (Basic wage x 200% x 130%).
Ang mga magtratrabaho ng lagpas walong oras tuwing regular holiday na siya ring rest day ng empleyado, kinakailangang bayaran ang nabanggit ng karagdagang 30% ng hourly rate ng araw na 'yon (hourly rate ng basic wage x 200% x 130% x 130% x bilang ng oras na trinabaho).