Unang batch ng Bivalent vaccines darating na
MANILA, Philippines — Darating na sa bansa sa susunod na linggo ang unang batch ng delivery ng COVID-19 Bivalent vaccines base sa pangako ng donor country.
“These Bivalent vaccines, which is around 391,000 doses, will be arriving hopefully by next week already,” anunsyo ni DOH officer-in-charge Maria Rosario Vergeire.
Ang Bivalent vaccines ay ‘modified’ na bakuna na tinatarget ang mga naglalabasan ngayon na mga Omicron variants at subvariants nito, maging ang orihinal na uri ng COVID virus.
Nakikipag-usap na rin ang DOH sa COVAX Facility, para sa inaasahang 2 milyong doses ng Bivalent vaccine na donasyon ng mga miyembrong bansa ng United Nations.
Naantala at suspendido ang delivery ng mga bakuna mula sa COVAX Facility makaraang magtapos ang deklarasyon ng state of calamity for COVID-19 sa bansa noong Disyembre 31.
Ikinatwiran ni Vergeire na noon pang Agosto 2022 nag-umpisa ang kanilang negosasyon sa mga manufacturers at ang hindi pagpapalawig sa state-of-calamity ang siyang dahilan.
- Latest
