Darren at Cassy, magjowa na!

Gustong malaman ng netizens kung ano ang gustong tukuyin ni Darren Espanto sa caption niya sa post ng photo nila ni Cassy Legaspi noong nasa Bay Area sila.

Sabi kasi ni Darren, “Back in the Bay Area... again. But this time it’s different...” Bakit daw different ang pagbabalik niya sa Bay Area dahil ba ito sa dyowa na niya si Cassy?

Nagpunta sila ng Amerika para sa event ng animated movie na Elemental. Nag-tour din sila sa Disney-Pixar Animation Studios at namasyal. Makikita sa photos na nag-enjoy ang dalawa sa kanilang travel and nothing to worry ang mga moralista dahil kasama ni Cassy ang amang si Zoren Legaspi.

Saka, hindi ito ang first time na nag-travel sina Darren at Cassy, galing na sila ng Japan last February at may mga bakasyon din sila sa bansa.

Let them enjoy!

Bea at Alden movie, kumpirmadong ‘di muna tuloy

May statement ang GMA Network tungkol sa movie nina Bea Alonzo at Alden Richards na A Moment To Remember na collab sana ng GMA Pictures at Viva Films.

“GMA Pictures, Viva Films, and APT Entertainment would like to announce the postponement of the movie, ‘A Moment To Remember,’ originally top billed by Alden Richards and Bea Alonzo, due to scheduling conflicts within the production team.

“The new production date, cast, and cinema release will be announced in due time.”

Ayan, may pag-asa pa ring matuloy ang nabanggit na pelikula.

Si Bea, maraming gagawing pelikula, may concert pa at may series sila ni Dennis Trillo na Love Before Sunrise.

Si Alden naman, gagawa ng pelikula kasama si Julia Montes at nagsimula na nga sila ng shooting ng Five Break-Ups and a Romance.

Elijah, nagpasalamat sa pagdating ni Miles

Ang sweet ng birthday message ni Elijah Canlas sa girlfriend na si Miles Ocampo na nag-celebrate ng kanyang 26th birthday noong May 1. Hindi lang mahal, ipinagpasalamat pa ni Elijah ang pagdating ni Miles sa buhay niya. “Witnessing your growth has been such an inspiration. I’m grateful I get to share this journey with you, Camille. You’re a blessing to this world- and I’m blessed to call you mine. Happy birthday, my love.”

Sa kanyang Instagram, pinasalamatan ni Miles ang mga bumati sa kanya sa kanyang kaarawan.

Dumaan sa matinding health scare si Miles, kaya malaki ang pasasalamat niya sa Diyos at sa mga doctor na nag-opera sa kanya para alisin ang Papillary Thyroid Carcinoma at mag-underwent ng Thyroidectomy.

Pinasaya rin si Miles sa birthday greetings from her friends sa showbiz and non-showbiz.