MANILA, Philippines — Muling pagtitibayin nina Pangulong Ferdinand Marcos Jr. at US President Joe Biden ang ironclad commitment ng Amerika para palakasin pa ang depensa ng Pilipinas.
Sa inilabas na pahayag ng Presidential Communications Office (PCO), magtutungo si Pangulong Marcos sa Washington, D.C sa Abril 30 hanggang Mayo 4, 2023 para sa isang official visit.
Sa pahayag naman ni White House Press Secretary Karine Jean-Pierre, may nakatakdang bilateral meeting sina Pangulong Marcos at Biden sa White House sa Washington, D.C. sa Mayo 1.
“During the visit, President Biden will reaffirm the United States’ ironclad commitment to the defense of the Philippines, and the leaders will discuss efforts to strengthen the longstanding U.S.-Philippines alliance,” sinabi pa ni Jean-Pierre.
Tatalakayin din ng dalawang lider ang iba pang usapin na may kinalaman sa Pilipinas at Amerika.
Sinabi naman ng PCO na magiging highlights ng trip ng Pangulo ang matatag na commitment ng dalawang bansa bilang reliable at resilient partners sa sandaling dumating ang krisis at prosperity sa gitna ng kinakaharap na global at regional environment.