MANILA, Philippines — Napanatili nina Pangulong Ferdinand Marcos Jr. at Vice President Sara Duterte ang mataas na trust at approval ratings, sa pinakahuling resulta ng Pulse Asia Survey.
Nakopo ni Marcos ang 78% approval rating pero mababa ito ng 4 puntos sa nagdaang survey at 80% trust rating na 3 puntos na mababa kumpara noong November 2022 survey.
Nanatili naman ang approval ni Duterte sa 83%, pero 1 puntos na pagbaba sa nagdaang survey at napanatili ang nakuhang trust rating na 85%.
Sa survey, may 5% ang disapproved kay Marcos at 16% undecided. Si Duterte ay may 4 percent disapproved at 13% undecided,
Samantala 5% ang may konting trust kay Marcos, 15% undecided; 3% ang may konting trust kay Duterte at 12% undecided.
Bumaba naman ng 12 points ang approval ni Marcos sa Class ABC (65%), pagbaba ng 8 points sa Metro Manila (68%) at pagbaba ng 7 points sa nalalabing bahagi ng Luzon (70%).
Si Duterte ay bumaba ng 15 points ang approval sa Class ABC (70%) at tumaas ng 5 points sa Visayas (97%).
Ang trust rating ni Marcos sa Class ABC ay bumaba ng 11 points (69%) at pagbaba ng 8 points sa MM (73%) at sa nalalabing bahagi ng Luzon ay bumaba ng 5 points (73%), habang si Duterte ay may pagbaba sa trust ng 6 points (76%) sa Class ABC.
Ang survey ay ginawa mula Marso 15-19, 2023 gamit ang face-to-face na panayam sa 1,200 adult respondents.— Malou Escudero