MANILA, Philippines — Siyam sa bawat 10 Filipino o 86% ang naniniwala na problema sa bansa ang fake news.
Base sa survey ng Pulse Asia na isinagawa noong Setyembre 17-21 sa 1,200 adults, pinakamarami sa mga respondent sa Metro Manila ang nagsabi nito na umabot sa 87%, 92% sa Luzon, 77% sa Visayas at 81% sa Mindanao.
Ayon pa sa survey, 68% ang nagsabi na nakukuha nila ang fake news sa social media o internet, 67% sa telebisyon, 32% sa radio at 28% ang nagsasabi na nakukuha nila ang mga maling impormasyon sa mga kaibigan.
Nakakuha naman ng maliit na porsyento bilang source ng fake political news ang community leaders na may 4%; newspapers na may 3%, at religious leaders na may 1%.
Nasa 58% naman ang nagsabi na ang mga social media influencers, bloggers, o vloggers ang responsable sa mga nagpapakalat ng fake news.
Nasa 37% naman ang undecided, habang ang 7% ang nagsabi na wala silang tiwala.