Ex-CJ Bersamin, bagong Executive Secretary
MANILA, Philippines — Itinalaga ni Pangulong Ferdinand “Bongbong” Marcos Jr. si dating Chief Justice Lucas Bersamin bilang bagong Executive Secretary.
Papalitan ni Bersamin si dating Executive Secretary Vic Rodriguez na una nang nagbitiw sa puwesto matapos ang kontrobersiyal na planong pag-aangkat ng 300,000 metrikong toneladang asukal.
Ayon kay Press Secretary Trixie Angeles, nanumpa na si Bersamin kay Pangulong Marcos kahapon ng umaga sa Palasyo ng Malakanyang.
Matapos manumpa ay agad na sinimulan ni Bersamin ang trabaho sa pamamagitan ng pagdalo sa ika-siyam na Cabinet meeting sa Palasyo.
Matatandaan na isa si Bersamin sa mga mahistrado na pumabor na ilibing sa Libingan ng mga Bayani ang ama ng Pangulo na si dating Pangulong Ferdinand Marcos Sr.
- Latest
