Locsin, bagong envoy sa UK, Northern Ireland

MANILA, Philippines — Itinalaga ni Pangulong Ferdinand “Bongbong” Marcos Jr. si Teodoro Locsin Jr. bilang bagong Ambassador Extraordinary and Plenipotentiary to the United Kingdom ng Great Britain at Northern Ireland.

“We confirm the appointment of Teodoro Locsin Jr., as the Ambassador Extraordinary and Pelnipontentiary to the United Kingdom of Great Britain and Northern Ireland”, ayon kay Press Secretary Trixie Cruz-Angeles.

Matatandaan na si Locsin ay nagsilbing kalihim ng Department of Foreign Affairs (DFA) sa ilalim ng Duterte Administration.

Bago pa maging kalihim ng DFA, si Locsin ay speechwriter ni dating Pangulong Corazon Aquino, Joseph Estrada at Gloria Macapagal-Arroyo

Dati rin siyang publisher ng isang pahayagan, broadcaster at law professor.