Bagyo uli: Typhoon Hinnamnor posible pasukin PAR sa Miyerkules, tatawaging 'Gardo'
MANILA, Philippines — Isang potential "super typhoon" ang nagbabadyang pumasok sa Philippine area of responsibility bukas ng gabi, ito ilang araw pa lang matapos makalayo ang nagdaang bagyong "Florita."
Namataan ng PAGASA ang Typhoon "Hinnamnor" (international name) sa layong 1,655 kilometro silangan hilagangsilangan ng Dulong Hilagang Luzon bandang 10 a.m., Martes, ayon sa PAGASA.
- Lakas ng hangin: 165 kilometro kada oras malapit sa gitna
- Bugso ng Hangin: hanggang 205 kilometro kada oras
- Direksyon: pakanluran
- Bilis: 30 kilometro kada oras
"On the track forecast, 'HINNAMNOR' may enter the PAR region tomorrow evening," wika ng state weather bureau kanina.
"Once inside the PAR, the domestic name 'GARDO' will be assigned to this tropical cyclone."
TROPICAL CYCLONE ADVISORY NO. 2
— PAGASA-DOST (@dost_pagasa) August 30, 2022
Typhoon “HINNAMNOR”
Issued at 11:00 AM, 30 August 2022
Valid for broadcast until the next advisory at 11:00 PM today
TYPHOON “HINNAMNOR” MAINTAINS ITS STRENGTH WHILE MOVING WESTWARD. pic.twitter.com/22ZxUuRXFQ
Maaari pang lumawak ang tropical cyclone winds ng bagyong HInnamnor at habang lumalapit ng hilagang Philippine Sea.
Dahil dito, posibleng itaas ang Tropical Cyclone Wind Signal sa Dulong Hilagang Luzon habang nasa loob ng PAR ang typhoon.
"This typhoon may continue to rapidly intensify over the sea south of Japan and reach Super Typhoon category within 24 hours," sabi pa ng PAGASA.
Maaaring magdala ng matataas na alon ang bagyo sa ibabaw ng northern at seastern seaboards ng Luzon simula Huwebes o Biyernes. Dahil dito, magiging delikado ito para sa mga maliliit na sasakyang pandagat.
Inaabisuan naman ang mga mariners na patuloy magmonitor para sa mga updates.
Meron ding namuong low pressure area (LPA) bandang 1,210 kilometro silangan ng Extreme Northern Luzon kaninang madaling araw.
"Ang magiging scenario ng [LPA], una may posibilidad na maging bagyo, pangalawa itong bagyo na nasa labas ng [PAR] ay maaaring higupin ito," ani PAGASA weather specialist Aldczar D. Aurelio sa isang ulat kaninang 5 a.m.
Ngayong araw lang nang sabihin na umabot na sa P571 milyon ang pinsala sa imprastruktura ng bagyong "Florita" na kaalabas lang ng PAR ilang araw pa lang ang nakalilipas.
- Latest
