Pasok suspendido sa gov't offices, eskwela sa NCR, 6 lalawigan dahil kay 'Florita'
MANILA, Philippines — Suspendido na ang pasok sa lahat ng pampublikong paaralan at tanggapan ng gobyerno sa National Capital Region (NCR) at anim pang probinsya mula ngayon hanggang ika-24 ng Agosto dahil sa epekto ng Severe Tropical Storm "Florita" at Habagat.
Nag-ugat ito sa mungkahi ng National National Disaster Risk Reduction and Management Council (NDRRMC) kay Pangulong Ferdinand Marcos Jr. na nilagdaan, Martes.
"Nag-issue na po kami ng announcement na ang trabaho at pasok sa lahat ng lebel in the public sector ay suspendido na po today and tomorrow," ani Press Secretary Trixie Cruz-Angeles, Martes, sa isang press briefing.
"Sa pribadong sektor, base 'yun sa discretion ng employers. Pero rekomendado na isuspindi na rin."
JUST IN: President Marcos Jr. has declared a suspension of work and classes in all levels today until tomorrow (Aug. 24), for all gov't offices & public schools in NCR, Cavite, Laguna, Rizal, Bulacan, Zambales & Bataan due to Severe Tropical Storm #FloritaPH. | @azereraser_PNA pic.twitter.com/g4dWdufqRu
— Philippine News Agency (@pnagovph) August 23, 2022
Sakop ng naturang suspensyon ang Metro Manila, Cavite, Laguna, Rizal, Bulacan, Zambales at Bataan.
Kasalukuyang Signal No. 3 sa hilagang bahagi ng Ilocos Norte, Apayao, katimugang bahagi ng Babuyan Islands, mainland Cagayan at hilagangsilangang bahagi ng Isabela dahil sa bagyo.
Una nang nag-anunsyo ng pagkakaantala ng mga klase sa sari-saring paaralan sa Pilipinas kahit na kasisimula pa lang ng face-to-face classes nitong Lunes. — James Relativo
- Latest
