Atty. Dimalanta, bagong ERC chairperson
MANILA, Philippines — Itinalaga ni Pangulong Ferdinand Marcos Jr. si Atty. Monalisa Carneo Dimalanta bilang bagong chairperson ng Energy Regulatory Commission (ERC).
Si Dimalanta na nagtapos sa University of the Philippines ay dating chief legal counsel at compliance Officer ng Aboitiz Power Corporation.
Nagsilbi rin si Dimalanta bilang chairperson ng National Renewable Energy Board (NREB) mula 2019 hanggang 2021.
Bago sumali sa NREB, nagsilbi si Dimalanta bilang senior partner sa Puyat Jacinto & Santos law firm, kung saan pinamunuan din niya ang energy practice nito hanggang Marso 2019.
Si Dimalanta ang pangalawang appointee sa sektor ng enerhiya mula sa Aboitiz Power. Nagsilbi rin si Energy Secretary Raphael Lotilla bilang direktor ng energy firm bago ang kanyang appointment.
Pinalitan ni Dimalanta si Agnes Devanadera na nagretiro noong Hulyo 10, 2022.
- Latest
