Foreigners, non-OFWs bawal muna pumasok sa Pinas
![Foreigners, non-OFWs bawal muna pumasok sa Pinas](https://media.philstar.com/photos/2021/03/17/po_2021-03-17_22-33-49.jpg)
MANILA, Philippines — Hindi muna papayagang pumasok sa bansa ang mga dayuhan at mga Pinoy na hindi kabilang sa kategorya ng overseas Filipino workers (OFWs) simula sa Marso 20 hanggang Abril 19.
Inilabas ang kautusan ng National Task Force against COVID-19 dahil sa tumataas na kaso ng COVID-19 at iniiwasang mapuno ang mga qua-rantine facilities.
Pero may mga exemptions aniyang ibinigay ang NTF o mga papayagang pumasok sa bansa kabilang ang mga may hawak ng 9(c) visas, medical repatriation, distressed returning Overseas Filipinos, emergency at humanitarian cases.
Lahat ng kinauukulang ahensiya ng gobyerno ay inatasan na limitahan ang bilang ng inbound international passengers o iyong papasok sa Pilipinas sa 1,500 kada araw.
Ayon sa datos, nasa 1,200 ang pumapasok na OFWs sa bansa kada araw. Kailangan aniya ang “decisive action” na ito para hindi kumalat ang virus at mga variants nito.
- Latest