MANILA, Philippines — Nag-iwan ang bagyong Ulysses ng P4.25 bilyong halaga ng imprastraktura na nawasak sa malaking bahagi ng Luzon at Metro Manila.
Ayon kay DPWH Secretary Mark Villar na kabilang sa mga nasira ang maraming mga kalsada, tulay, seawalls at mga pampublikong gusali.
Kahapon, may 52 kalsada pa ang hindi madaanan dahil sa pagkakabaon sa putik at lupa dulot ng landslides, mudflows, pagbagsak ng mga puno at pagbaha.
May 14 sa mga kalsada ang nasa Cordillera Administrative Region, isa sa Ilocos Region, 13 sa Cagayan Valley, walo sa Central Luzon, pito sa Calabarzon, walo sa Bicol Region at isa sa Eastern Visayas.
Sa Metro Manila, kapansin-pansin ang pagkasira ng bahagi ng Marcos Bridge sa Marikina nang humampas dito ang dambuhalang “shoe landmark” ng lungsod na tinangay ng baha habang ang R-10 Bridge sa Malabon ay nasira ang railings dahil sa paghampas dito ng isang barko.