MANILA, Philippines — Patuloy na lumalakas ang bagyong Julian habang nananatili sa may Philippine Sea.
Taglay ni Julian ang lakas ng hangin na umaabot sa 100 kilometro bawat oras at bugso na 125 kph.
Si Julian ay kumikilos ng mabagal pahilaga at bahagyang bibilis ngayong Linggo sa pangkalahatang direksiyon ng hilaga at saka babalik pa hilagang kanluran sa Lunes.
Mananatili si Julian sa bansa pero malayo sa landmass kayat walang direktang epekto sa bansa.
Makakaapekto naman ang habagat sa paglaki ng alon sa karagatan sa may Northern Luzon at eastern seaboard ng Central Luzon. Hindi rin pinapayagan ang mga bangka na maglayag sa karagatan doon.
Inaasahang nasa labas na ng bansa si Julian sa Martes.