6.6 magnitude na lindol yumanig sa Masbate, wumasak ng mga istruktura

MANILA, Philippines (Updated 10:31 a.m.) — Malakas na paglindol ang gumising sa katimugang bahagi ng Bikol at Kabisayaan ngayong umaga matapos maitala ang magnitude 6.6 na pag-uga ng lupa, Martes nang umaga.

Bandang 8:03 a.m. nang tumama ang nasabing tectonic earthquake sa epicenter na Cataingan, Masbate, pagkukumpirma ng state volcanologists.

Unang iniulat ng Philippine Institute of Volcanology and Seismology (Phivolcs) na 6.5 magnitude lang ito, ngunit tuluyan itong nirebisa bandang 9:30 a.m.

#EarthquakePH #EarthquakeMasbate#iFelt_MasbateEarthquake
Earthquake Information No.2
Date and Time: 18 Aug 2020 - 08:03 AM
Magnitude = 6.6
Depth = 021 kilometers
Location = 11.96N, 124.03E - 007 km S 29° E of Cataingan (Masbate)https://t.co/g2pJhQumwC pic.twitter.com/VYRm8t0vOz

— PHIVOLCS-DOST (@phivolcs_dost) August 18, 2020

"Pagkilos ng PH fault sa Masbate segment ang pinagmulan ng lindol," pagkukumpirma ni Renato Solidum, direktor ng Phivolcs, sa pabayam ng TeleRadyo.

Iniulat naman ang sumusunod na mga intensity, o lala ng lindol batay sa epekto nito sa tao at mga istruktura, sa mga sumusunod na lugar:

Intensity VII (destructive)

• Cataingan, Masbate

Intensity V (very strong)

• City of Masbate, Masbate Almagro at Tagapul-an, Samar

Intensity IV (moderately strong)

• Palanas at San Jacinto, Masbate
• City of Sorsogon, Sorsogon
• City of Legazpi, Albay
• San Andres, Quezon
• Mapanas at Palapag, Northern Samar
• Barugo, Dagami, Dulag, Julita, La Paz, Palo at Tanauan, Leyte
• City of Sagay, Negros Occidental

Intensity III (weak)

• City of Baybay, Isabel, Javier at Kananga, Leyte Ormoc City
• Mulanay, Quezon
• City of Iloilo

Intensity II (slightly felt)

• Guinayangan at Lopez Quezon; President Roxas, Capiz
• Patnongon, Patnongon, San Jose de Buenavista at Tibiao, Antique

Intensity I (scarcely perceptible)

• Lezo, Aklan
• City of Dumaguete, Negros Oriental

Dahil sa lakas ng nasabing lindol, inaasahan ang mga pinsala't afterschocks, sabi pa ng Phivolcs.

Sa mga litratong ito na kinunan ng Red Cross Youth sa Masbate, makikita ang pagkapinsala ng ilang bahay at ilang gusali.

Ang ilang kalsada, makikitang nagbitak-bitak habang bumigay at natumba na rin ang ilang pader.

"Philippine Red Cross is on full alert. Keep safe everyone!" sabi ni Sen. Richard "Dick" Gordon, chairperson at CEO ng Red Cross.

Wala pa namang babala ng tsunami, o pagragasa ng tubig sa lupa bunsod ng lindol, sa ngayon.