Duterte kay Sara: ‘Wag kang mag-presidente!
MANILA, Philippines — Muling pinayuhan ni Pangulong Rodrigo Duterte ang anak na si Davao City Mayor Sara “Inday” Duterte na huwag ambisyunin na maging presidente ng bansa.
Sa kanyang talumpati sa Jolo, Sulu, sinabi ng Pangulo na pagod lamang ang makukuha sa trabaho bilang pangulo.
“Sabi ko sa anak ko, kay Inday, ano -- sabi ko, ‘Day, p***** i** ‘wag mong pasukin ‘yang trabaho na ‘yan. Wala ka talagang makuha diyan, pagod lang,” ani Duterte.
Binanggit din ng Pangulo na kung tutuusin ay mas malaki pa ang suweldo ng ilang heneral kaysa sa kanya.
“Suweldo mo P194,000. Ang ibang generals dito mas malaki pa sa suweldo ko, totoo lang,” ani Duterte.
Pero binanggit din ni Duterte na sinabihan niya si Sara na puwede lang nitong isulong ang pagtakbo bilang presidente kung para sa pagseserbisyo sa bayan.
Nilinaw naman ni Presidential Spokesperson Harry Roque na nais lamang sabihin n Pangulo na “thankless job” ang trabaho ng presidente.
- Latest
