MANILA, Philippines — Sumalpok na sa kalupaan ang mata ng bagyong "Ambo" (international nmame Vongfong) ayon sa state weather bureau, Huwebes nang hapon.
Bandang 12:15 p.m. nang ganap itong tumama sa San Policarpio, Eastern Samar, dahilan para maging unang bagyong sumalpok sa Philippine landmass ngayong 2020.
at 12:15PM (14 May 2020): Typhoon #AmboPH has made landfall over San Policarpio, Eastern Samar. pic.twitter.com/B7yDovS9vv
— PAGASA-DOST (@dost_pagasa) May 14, 2020
Sa huling ulat ng PAGASA noong 11 a.m., natagpuan ang mata ng bagyo 140 kilometro timogsilangan ng Catarman, Northern Samar.
Dala pa rin nito ang hanging may lakas na 150 kilometro kada oras malapit sa gitna, at bugsong aabot sa 185 kilometro kada oras. Kumikilos ito pakanluran sa bilis na 15 kilometro kada oras.
Idineklara ang Tropical Cyclone Wind Signal No. 3 ang mga sumusunod na lugar:
- Sorsogon
- Albay
- Ticao Island
- Northern Samar
- hilagang bahagi ng Eastern Samar (Jipapad, Arteche, Maslog, Dolores, Oras, San Policarpio, Can-avid, Taft, Sulat, San Julian, Borongan City, Maydolong)
- hilagang bahagi ng Samar (Calbayog City, Sta. Margarita, Gandara, Pagsanghan, San Jorge, Matuguinao, San Jose de Buan, Catbalogan, Jiabong, Motiong, Paranas, Tarangnan, San Sebastian)
"Ngayong araw, inaasahan 'yung heavy to intense, with at times torrential rains sa mga Samar provinces," sabi ni Chris Perez, weather specialist ng PAGASA.
"Moderate to heavy rains naman, at times intense, sa Sorsogon, Albay, Catanduanes, Masbate at sa natitirang bahagi ng Eastern Visayas."
Samantala, signal no. 2 pa rin sa:
- katimugang bahagi ng Quezon (Pagbilao, Atimonan, Padre Burgos, Plaridel, Agdangan, Unisan, Gumaca, Pitogo, Macalelon, Lopez, Calauag, General Luna, Catanauan, Perez, Alabat, Quezon, Tagkawayan, Guinayangan, Buenavista, San Narciso, Mulanay, San Andres, San Francisco)
- Biliran
- nalalabing bahagi ng Samar
- nalalabing bahagi ng Eastern Samar
Signal no. 1 naman sa:
- Aurora
- katimugang bahagi ng Nueva Ecija (General Mamerto Natividad, Palayan City, Cabanatuan, Santa Rosa, Jaen, San Isidro, San Antonio, Cabiao, Bongabon, Gabaldon, General Tinio, Laur, San Leonardo, Peñaranda, Gapan City)
- hilagang bahagi ng Leyte (Calubian, San Isidro, Tabango, Villaba, Leyte, Kananga, Capoocan, Carigara, Barugo, San Miguel, Babatngon, Tunga, Jaro, Alangalang, Sta. Fe, Tacloban City, Palo, Pastrana, Dagami, Tabontabon, Tanauan, Tolosa, Ormoc City, Matag-ob, Palompon, Merida, Isabel, Albuera, Burauen, Julita, Dulag)
Naglabas din ng "general flood advisory" ang PAGASA sa mga sumusunod na lugar sa Eastern Visayas at Rehiyon ng Bicol:
General Flood Advisories (GFA) as of 1 PM 14 May 2020
Region 8 (Eastern Visayas) - GFA#2
Region 5 (Bicol Region) - GFA#2 pic.twitter.com/XSvGLVd4PM— PAGASA-DOST (@dost_pagasa) May 14, 2020
"People living near the mountains slops and the low lying areas of the above mentioned river systems and the local disaster risk reduction and management councils concerned are advised to be alert for possible flashfloods," sabi pa ng advisory. — may mga ulat mula kay Gaea Katreena Cabico