MANILA, Philippines — Umapela sa gobyerno sina House Committee on Civil Service and Professional Regulation Chairman at Iligan Rep. Frederick Siao na bigyan ng hazard pay ang mga frontliners na direktang tumutugon sa 2019 novel Coronavirus-ARD.
Ayon kay Siao, na direkta ang panganib na kinakaharap ng mga health workers kaya dapat silang makatanggap ng hazard pay.
Ang mga health workers umano ang unang humaharap sa mga posibleng carriers at pasyente na may nCov-ARD.
Kabilang din umano ang mga personnel na nasa frontliners ay ang mga nakapuwesto sa entry points sa ospital, sa mga tourism establishements at ang mga nagsasagawa ng contact tracing. Dahil dito kaya nanawagan ang kongresista sa Department of Budget and Management (DBM) at Civil Service na agad din itong aksyunan.