Mga hayop na naapektuhan ng Taal, puwedeng isangla - DA
MANILA, Philippines — Maaaring isangla ng mga magsasaka na apektado ng pagsabog ng Bulkang Taal ang kanilang mga alagang hayop.
Naglaan ang Agriculture Credit Policy Council (ACPC) ng Department of Agriculture (DA) ng P10 milyon para ipambayad sa sangla ng mga magsasaka.
Ang mga may-ari na magsasangla ng alagang hayop ay babayaran ng 50 percent ng kabuuang halaga ng market value ng kanilang alaga.
Maaari namang tubusin ng mga may-ari ang kanilang naisanglang hayop kapag balik na ito sa normal na kundisyon pero bibilhin ng kaukulang halaga ang kanilang naisanlang hayop.
Ang mga sanglang hayop ay aalagaan sa Taal Livestock Care Emergency Operations Center sa Southern Tagalog Integrated Agriculture Research Center (STIARC) sa Lipa City para doon maibalik sa normal na kundisyon ang mga hayop laluna yaong mga namayat dahil hindi nakakain ng maayos dahil naiwan ng mga may-ari sa kanilang lugar noong pumutok ang bulkan.
- Latest
