Philippine Military Academy cadet recruitment pinasususpinde ng 1 taon

MANILA,Philippines — Hiniling ni Ako Bicol Rep. Alfredo Garbin sa Philippine Military Academy (PMA) na pansamantala munang itigil ang recruitment sa mga bagong kadete hanggang hindi nasisiguro ng Armed Forces of the Philippines (AFP) sa mga magulang at mga bagong kadete na ligtas dito.

Ang apela ni Garbin ay kasunod ng pagkakadiskubre sa may 27 panibagong kaso ng pagmamaltrato sa mga kadete ng PMA.

Sinabi ni Garbo, vice-chairman ng House Committee on Justice, na maliwanag na may problema sa loob ng PMA na dapat agad itama dahil sa nabunyag na panibagong kaso ng pagmamaltrato.

Paliwanag pa ng kongresista kahit isang taon ay dapat munang suspendihin ang recruitment kung saan ito naman ang panahon para ma-overhaul ito ng AFP.