Operasyon ng LRT-2, MRT-3 magkasunod itinigil bunsod ng aberya
MANILA, Philippines — Parehong itinigil ang operasyon ng Manila Light Rail Transit System Line 2 at Manila Metro Rail Transit System Line 3, Miyerkules ng umaga, dahil sa iba't ibang problema.
Nangyari ang problema sa LRT-2 bandang 9:49 a.m.
Dahil dito, pinababa ng tren ang mga pasahero at hindi na rin nagpapasok sa mga turnstile.
Passengers are ordered to alight the train @ J. Ruiz Station (Train going to Recto) pic.twitter.com/MKoNIi4w1z
— Renzo Bernardo (@renzo_angelo) October 2, 2019
Sa dami ng naperwisyong komyuter, No. 2 trending sa Twitter ang katagang "LRT-2" habang isinusulat ang balitang ito.
Muling tumakbo ang LRT-2 10:19 a.m., ngunit hindi nila tinukoy kung anong sanhi ng problema.
Tanging "technical problem" ang binanggit ng pamunuan ng tren.
"As of 10:52:AM. 7 trains/28 coaches running. LIGHT to MODERATE volume of passengers on both Eastbound and Westbound directions. Normalization of headway is ongoing," sabi ng linya.
Ganito rin ang dinanas ng MRT-3 bandang 10:17 a.m.
"[T]here was a reported problem in our power supply from Ayala Station to Taft Avenue Station," sabi ng Department of Transportation MRT-3.
Agad naman daw itong kinoordina sa kanilang power personnel.
ADVISORY:
— DOTr MRT-3 (@dotrmrt3) October 2, 2019
At 10:17 AM today, there was a reported problem in our power supply from Ayala Station to Taft Avenue Station.
The matter was immediately coordinated with our power personnel.
At 10:34 AM, passengers were evacuated at the interstation of Magallanes and Ayala (NB). pic.twitter.com/8QtNDDl0RN
Naibalik naman ang kuryente pagsapit ng 10:35 a.m.
Pinag-aaralan pa rin daw nila kung ano ang nagsanhi ng problema.
"We continue to investigate the cause of the power supply issue, and we sincerely apologize for the inconvenience," kanilang paliwanag. — James Relativo
- Latest
