Luzon, Metro Manila niyanig ng lindol

MANILA, Philippines – Niyanig ng magkasunod na lindol ang bahagi ng Luzon na naramdaman din sa Metro Manila kahapon ng hapon.

Unang naitala ng Phivolcs ang 5.5 magnitude alas 4:28 ng hapon sa may 040 kilometro hilagang silangan ng Burdeos, Quezon.

Naramdaman ang Intensity 4 sa Jose Pa­nganiban, Camarines Norte at Quezon City at Intensity 3 sa  Guinaya­ngan, Quezon.

Sinasabing tectonic ang origin ng lindol.

Makaraan nito, nakapagtala din ng 5.1 magnitude na lindol alas 5:18 ng hapon sa hila­gang silangan ng Burdeos, Quezon.

Naramdaman naman ang lakas ng lindol sa intensity 5 sa Polillo, Quezon; Intensity 4 sa Quezon City at Intensity 2 sa Guinayangan, Quezon.

Sa Metro Manila, nagsilikas sa kanilang mga opisina, establisimyento at paaralan ang mga empleyado at estudyante matapos maramdaman din ang pagyanig.

Pansamantala namang sinuspinde ang biyahe ng MRT, LRT-1 at LRT-2 at maging ang Philippine National Railways (PNR).

Ayon kay Phivolcs Usec. Renato Solidum, inaasahan na ang pagkakaroon pa ng aftershocks matapos ang lindol habang wala pang iniulat na pinsala.