MANILA, Philippines — Pinuna ng Commission on Audit (COA) ang tatlong nakabinbing proyekto ng Philippine Navy na nagkakahalaga ng P154.64 million.
Sa report ng COA, na ang nasabing proyekto ay babayaran dapat sa pamamagitan ng deposit on letters of credit subalit hindi ito naipatupad kaya nagresulta ito para hindi makuha ng gobyerno ang mga benepisyo na maaaring makuha doon.
Kabilang sa mga proyektong hindi naipatupad ang kontrata mula sa Talon Security Consulting, gayundin sa joint ventures ng Propmech Corporation and SAAB, Krusik Ad Valjevo and Stone of David Tactical.
Nilinaw naman ng COA na naideliver ang sa Talon subalit ng testingin ito ay 6 lamang sa 8 ang gumagana dito.
Ang kontrata naman sa Propmech and SAAB ay suspendido habang ang sa Krusik Ad Valjevo and Stone of David ay patuloy pa ang deliberasyon sa contract termination review committee ng Navy.
Paliwanag pa ng COA na ang non-delivery goods at services ay malinaw na paglabag sa “breach of contract” at maaaring makaapekto sa operation ng Navy.
Hinikayat naman ng COA ang Navy na mag-demand ng deliveries of goods at services at siguruhin na maaalis ang mga suppliers na mabibigong sumunod sa kontrata para maiwasan na magamit ang idle funds na maaaring magamit sa iba pa na may benepisyo ang gobyerno.