Landslide victory kay Mayor Lani Cayetano
Pulse Asia survey
Tiyak nang panalo si incumbent Taguig City Mayor Lani Cayetano bilang congresswoman sa 2nd District ng siyudad, ayon sa survey ng Pulse Asia kamakailan.
Sa resulta ng survey na ginawa ng Pulse Asia Research Inc. mula January 20-26, 2019, mahigit na 81 percent ng mga rehistradong botante ang pumili kay Cayetano, kumpara ?sa 11 percent lamang ni Che Che Gonzales bilang representante ng 2nd District ng Taguig para sa May 2019 elections.
Si Mayor Lani ay nagwagi sa mayoralty race noong 2010 kontra Dante Tinga, ama ng dating Mayor Sigfrido “Freddie” Tinga, na nagsilbi bilang alkalde ng Taguig sa tatlong termino.
Sa sumunod na eleksyon noong 2013, wagi muli si Mayor Lani kontra Rica Tinga, anak naman ni Dante Tinga.
Tatlong taon ang nakalipas ay nagwagi muli si Mayor Lani bilang alkalde ng Taguig dahil walang tumakbong kalaban sa halalan.
Sa eleksyon 2019, si Cayetano ay makakatunggali si Che Che Gonzales, isang dating konsehal na tumakbo rin at natalo kay Pia Cayetano noong 2016 para sa Taguig 2nd district ng Kongreso.
- Latest
