Pabahay sa Pinoy dagdagan - PBB

MANILA, Philippines — Iginiit kahapon ng Partido ng Bayan Ang Bida (PBB) Partylist na dapat dagdagan ng gobyerno ang pagtatayo ng mga pabahay na abot-kaya ng mga ordinaryong Filipino.

Ito ang idiniin ni PBB Partylist nominee Atty. Imelda Cruz na nais pang palawakin ang mga itinatayong socialized housing project ng pamahalaan para sa mahihirap na Filipino.

Wika ng PBB nominee, pangunahing adhikain ng kanilang partylist na maisulong sa Kongreso ang pagpapadali at abot-kayang pabahay sa mga Filipino.

Nais anya ng PBB Partylist na mapalawak pa  ang mga pabahay ng gobyerno sa kasalukuyan na ipinatayo ni Pangulong Duterte na hindi lamang  sa mga sundalo at pulis kundi maging sa ordinaryong mamamayan.