Medical marijuana lusot
MANILA, Philippines — Inaprubahan na sa ikalawang pagbasa sa Kamara ang Medical marijuana bill o ang legal na paggamit ng marijuana bilang gamot.
Sa pamamagitan ng viva voce voting o palakasan ng boses, inaprubahan ng mga kongresista ang House Bill 6517 na iniakda ni Isabela Rep. Rodolfo Albano III.
Nakasaad sa panukala na maaaring makabili ng marijuana ang mga kuwalipikadong pasyente na bibigyan ng identification card.
Para matukoy kung kwalipikado ang pasyente, kailangan munang may pagpapatunay ang isang doctor na may malubhang karamdaman ang pasyente na nangangailangan ng marijuana sa gamutan.
Nakasaad din na magtatayo ng Medical Cannabis Research and Safety Compliance Facilities.
Ang DOH ang pangunahing ahensiya na mangangasiwa sa pamamahagi ng medical cannabis, katuwang ang Food and Drug Administration.
Ipapaubaya naman sa PDEA ang pagbabantay at pagtitiyak na wasto ang ibibigay na medical marijuana sa mga pagamutan.
- Latest
