Inflation rate pumalo pa sa 6.7%
MANILA, Philippines — Pumalo sa 6.7 percent ang inflation rate sa bansa sa nakalipas na buwan ng Setyembre.
Mas mataas ito kumpara sa 6.4% noong nakaraang Agosto.
Ayon kay Philippine Statistics Authority (PSA) Usec. Lisa Grace Bersales, ang 6.7 percent inflation rate ang pinakamabilis simula noong February 2009 na nakapagrehistro ng 7.2 percent.
Sabi ni Bersales, pinakamataas na naitalang data ay sa Bicol region na may 10.1 percent habang ang lowest naman ay sa Central Luzon na mayroon lamang 4.5 percent.
Samantalang ang Metro Manila ay may mabagal na inflation kung ihahambing sa average ng ating bansa.
Ang inflation rate ay sukatan ng mabilis na pagtaas ng presyo ng mga bilihin at serbisyo sa mga partikular na lugar.
Gumagawa naman ng hakbang ang gobyerno upang malabanan ang mataas na presyo ng bilihin sa mga basic commodities.
- Latest
