Super bagyo papasok sa Pinas

MANILA, Philippines — Nagbabala ang PAG­ASA na posibleng ma­ging super typhoon ang isang namataang sama ng panahon habang papalapit ito sa bansa.

Ayon kay PAGASA weather forecaster Ge­ner Quitlong, namataan sa 3,000 kilometers east of northern Luzon ang Tropical storm Mangkhut na inaasahang papasok sa Philippine Area of Res­ponsibility (PAR) sa Miyerkules o Huwebes.

Babala ni Quitlong, posibleng maging super typhoon si Mangkhut at maging kasing lakas ni Jebi na bagyong tumama sa Japan.

Sa ngayon, ang Low Pressure Area o LPA ay nasa Pacific Ocean pa lamang at magdadala ng pag-ulan sa buong Min­danao at central at western sections ng Visayas.

Samantalang may panibago ring LPA na namataan ang PAGASA at maaaring magdulot ng pag-ulan sa Batanes at Babuyan islands.

Namataan ito 130 kilometers northwest ng Basco, Batanes at posible rin maging isang ganap na bagyo at maaari rin magdulot ng pag-ulan at localized thunderstorms sa Metro Manila, Luzon at eas­tern section ng Visayas.