Wiretapping sa drug cases lusot sa House committee
MANILA, Philippines — Lusot na sa committee level ng Kamara ang panukalang batas na pinapayagang i-wiretap ng mga otoridad ang mga hinihinalang nagtutulak ng droga at iba pang drug related cases para masolusyunan ang madalas na pagpasok ng droga sa bansa.
Dahil dito kaya iniakyat na sa plenaryo ang panukala para maaprubahan ni House Committee on Dangerous Drugs chairman Robert Ace Barbers na naglalayong amyendahan ang RA 4200 o ang Anti-Wiretapping Act.
Sakaling maisabatas, aamyendahan at palalawakin ang depenisyon ng anti-wiretapping sa smartphones, tablets at Hightech mobile communication devices at pag-exempt sa mga itinatakda ng batas kung may kaugnayan ito sa drug trafficking.
Nabatid na 1965 pa ng likhain ang anti-wiretapping law para pangalagaan ang karapatan sa pribadong komunikasyon.
Subalit hindi maaaring gamitin ang nasabing batas sa mga kasong treason, espionage, rebellion, inciting to sedition at kidnapping.
- Latest
