Arroyo at Alvarez nagkaharap na
MANILA, Philippines — Nagkausap na kahapon sina Davao del Norte Rep. Pantaleon Alvarez at House Speaker Gloria Macapagal-Arroyo.
Nabatid na tumagal ng halos 20 minuto ang pagpupulong na dalawa na naka-pokus sa pagpapatuloy ng magandang relasyon nila.
Binalewala naman ni Arroyo kung tawagin lamang siyang “ma’am” ni Alvarez sa halip na Speaker.
Nabatid naman na hinihintay na lamang ni Arroyo na makaligpit ng kanyang gamit si Alvarez bago siya tuluyang lumipat sa opisina nito.
Inalok naman ni Arroyo kay Alvarez ang kanyang opisina na katabi lamang din ng Speaker’s office.
Pero wala umanong posisyon na inalok si Arroyo kay Alvarez sa House leadership.
Ayon naman kay Pampanga Rep. Dong Gonzales, nagbabalut-balot na ng gamit si Alvarez at naghahanda nang lisanin ang Speaker’s office anumang oras.
Samantala, tanggap na rin ng mga kongresistang kakampi ni Alvarez ang pagpapalit ng liderato sa Kamara.
- Latest
