Go umapela sa mga supporter na alisin ang kanyang tarpaulin
MANILA, Philippines — Nanawagan si Special Assistant to the President Bong Go sa kanyang mga supporters na nagkabit ng mga tarpaulin na alisin na lang ang mga ito kasunod ng pambabatikos ng kanyang mga kritiko.
Sinabi ni Go na hindi niya otorisado ang mga ikinabit na mga tarpaulin niya bagamat labis siyang nagpapasalamat sa mga ito.
Ayon kay Go, sino ba naman ang hindi masisiyahan na may mga taong naniniwala sa kanya at gumagastos para sa kanya pero nilinaw niyang hindi naman niya hiningi ang mga ito.
Muli namang nanawagan si Go sa kanyang mga supporters na imbes na ipampagawa ng mga tarpaulin, ibili na lang ng mga plywood at ibang construction material para sa mga nasunugan.
Hindi naman naiwasan ni Go na buweltahan ang kanyang mga kritiko sa pagsasabing dapat ipalit na lang ang mukha ng kanyang mga kritiko sa mga binabatikos niyang tarpaulin.
- Latest
