PhilHealth ng senior citizens itataas

MANILA, Philippines — Plano ng Philippine Health Insurance (PhilHealth) na itaas ang premium allotment para sa mga senior citizens sa susunod na taon.

Alinsunod ito sa Republic Act 10546 o Mandatory PhilHealth Coverage for Senior Citizens Act na nagtatakda ng primary care benefits ng mga nakakatanda.

Sa plano umano ng PhilHealth, itataas sa P5,000 ang premium allotment sa bawat senior citizen mula sa P3,120.

Balak din umanong i-subsidize ito ng gobyerno sa ilalim ng 2019 national budget at popondohan ng kita mula sa sin taxes.

Magpiprisinta umano ang PhilHealth sa Budget department ng 2019 proposed budget na P27,177 bilyon para sa coverage ng senior citizens sa susunod na taon.

Umaasa naman si Senior Citizens partylist Rep. Milagros Aquino-Magsaysay na susuportahan ng DBM ang plano ng PhilHealth para itama ang pagkukulang sa sektor ng mga nakakatanda.