MANILA, Philippines – Opisyal nang idineklara ng PAGASA ang simula ng tag-ulan sa bansa ngayong Biyernes.
Sinabi ng state weather bureau na ang pagkakaroon ng malawakang pag-ulan nitong mga nakaraang araw ang nagkukumpirma na umpisa na ng tag-ulan.
“These areas, including Metro Manila, will continue to experience scattered to widespread rains and thunderstorms in the coming days,” sabi ng PAGASA.
“However, such rain events may be followed by dry periods (also known as a ‘monsoon break’) that could last for several days to two weeks," dagdag niya.
Nanawagan ang PAGASA sa publiko at ibang mga ahensya ng gobyerno na gumamit ng precautionary measures para labanan ang epekto ng tag-ulan.
Ang tag-ulan ay nangangahulugan din ng pagpasok ng mga bagyo sa bansa.
Taun-taon, mahigit 20 bagyo ang dumadalaw sa bansa.