MANILA, Philippines — Isinusulong na sa Senado ang panukalang gawing ‘glow-in-the-dark’ at mas malaki ang mga “Fire Exit” signs.
Sa Senate Bill 1825 ni Sen. Koko Pimentel, sinabi nito na sa mga nakaraang taon, kabilang ang sunog sa trahedyang naranasan ng maraming Filipino.
Bagaman at maaari umanong isisi sa iba’t ibang dahilan ang sanhi ng sunog, kabilang na rito ang kapabayaan at hindi pagsunod sa mga safety regulations na itinatakda ng batas.
“For this purpose, this bill amends Republic Act No. 9514, or the Revised Fire Code of the Philippines of 2008 by increasing the size of fire exit signs, requiring that the signs be made of luminous, glow-in-the-dark material,” nakasaad sa panukala.
Gagawin ding mandatory ang paglalagay ng mga emergency lights sa fire exits.
Paliwanag pa ni Pimentel na sa maraming pagkakataon, marami ang namamatay sa sunog dahil hindi makita kung nasaan ang mga fire exits.