MANILA, Philippines — Nasa 7,000 pulis ang idedeploy ng National Capital Region Police Office (NCRPO) upang tiyakin ang kaligtasan ng mga estudyante sa Metro Manila kaugnay ng pagbubukas ng klase sa darating na Hunyo 4.
Sinabi ni NCRPO Director Chief P/Director Camilo Pancratius Cascolan na inalerto na niya ang limang Police Districts sa Metro Manila para ipakalat ang mga tauhan ng mga ito sa mga istratehikong lugar sa bisinidad ng mga paaralan partikular na sa University Belt kung saan magtatayo ng mga Police Assistance Desk (PAD).
“An estimated 29-million students in different levels are expected to troop to school for the simultaneous opening of classes in both public and private learning institutions”, ayon sa NCRPO.
Sa tala ng PNP, karaniwan ng tumataas ang mga insidente ng street crimes tulad ng robbery/holdup, cellphone snatching, bag slashing, pickpocketing kung saan maraming mga estudyante ang nabibiktima ng mga kriminal.
Alinsunod sa kautusan ni PNP Chief P/Director General Oscar Albayalde, ‘zero crime’ ang target ng PNP sa mga school at university areas.
“Similar security measures will be implemented in seaports, airports, and land transport terminals in anticipation of the heavy volume of incoming passengers from the provinces, mostly students returning from the summer vacation,” ayon pa sa Chief PNP.