76 bagong Chief Inspectors isasabak sa SAF training
![76 bagong Chief Inspectors isasabak sa SAF training](https://media.philstar.com/images/articles/bansa8-saf-training_2018-05-18_21-49-08.jpg)
MANILA, Philippines — Isasabak sa pagsasanay ng Special Action Force (SAF) ang 76 bagong opisyal ng Philippine National Police (PNP).
Sinabi ito ni PNP Director General Oscar Albayalde sa isinagawang badge of honor at service lunch ceremony kahapon para sa 76 bagong Chief Inspectors ng PNP na miyembro ng Philippine National Police Academy Maragtas Class of 2018.
Tatagal ng anim na buwan ang training kung hindi maipapasa ay pag-aaralan bago isalang sa summary hearing na maaaring ikasibak sa pwesto.
“We expect them to finish the course,” ani Albayalde.
Nauna nang inihayag ni Albayalde na mahalaga ang military training sa mga pulis dahil bukod sa disiplina, nagbabago na ang sitwasyon ng seguridad lalo na sa mga lungsod.
Bukod sa 6 na buwang SAF commando training course ay 20 araw din magsasanay ang mga ito sa Patrol Basic Officer Course at 45 naman sa Investigation Officers Course.
Sa nasabing okasyon ay tumanggap ang 76 Police Inspectors ng kanilang kauna-unahang buwanang suweldo, inisyal na clothing allowance at isang set ng mga kagamitan na kinabibilangan ng service firearms, handcuffs at service manuals.
- Latest